2015 йилнинг 19 май куни Тошкентда биринчи марта шахматнинг рапид йўналиши бўйича Ўзбекистон чемпионати бошланади. Чемпионлик учун мамлакатнинг турли ҳудудларидан келадиган 106 нафар спортчи кураш олиб боради.

Ушбу турнирда Самарқанд вилояти жамоасининг имкониятлари юқори баҳоланмоқда. Бу жамоа таркибида Марат Жумаев (2515), Тоҳир Воҳидов (2513), Алексей Барсов (2484), Жаҳонгир Воҳидов (2448) ва халқаро спорт устаси Жўрабек Ҳамроқулов каби кучли шахматчилар бор.
Шунингдек, ушбу турнирда Сирдарё вакиласи бўлган Ўзбекистон чемпиони Сарвиноз Қурбонбоева ҳам иштирок этади. Маълум қилинишича турнирнинг энг ёш иштирокчиси 5 ёшли Микаэл Багдасаров (Тошкент), энг ёши улуғ иштирокчиси эса 82 ёшли Анатолий Захаров (Тошкент) бўлади.
Чемпионат швейцарча тизимда 7 тур давом этади. Ҳар бир баҳс учун 15 дақиқа ажратилиб, шахматчилар бир юришни амалга ошириш учун 5 сонияга эга бўлишади.