Қозоғистон фуқароларининг каттагина қисми пора олишга тайёр эканлигини тан олди. Бу NewTimes.kz сайти томонидан ўтказилган сўровномадан маълум бўлди.
“Пора олармидингиз?” деган саволга турлича жавоблар берилди. Респондентларнинг 38.8 фоизи фақатгина пора беришга тўғри келганини тан олди. Сўровномада иштирок этганларнинг 24.4 фоизи эса ҳеч қачон бундай қонунбузарликка қўл урмаслигини таъкидлади.
14.1 фоиз иштирокчилар уларга ҳеч қачон пора таклиф қилинмаганини таъкидласа, 9.7 фоиз киши порахўр эканликларини тан олди. 9.3 фоиз иштирокчилар, ўз навбатида, пора олишдан бош тортмаслигини билдирди.