Rossiyaning “Biyskiy kotelnyy zavod” korxonasi O‘zbekiston energiya obektlari uchun bug‘ jihozlari yetkazib berdi. Bu haqda Oltoy o‘lkasi sanoat va energetika boshqarmasi xabar berdi.
Tabiiy gaz va mazutda ishlaydigan PTVM-30 suv qaynatuvchi qozoni O‘zbekiston korxonalaridan birining buyurtmasiga asosan ishlab chiqarilgani aytilmoqda.
Ayni paytda shartnoma bajarilgan va mahsulot o‘zbekistonlik buyurtmachiga yetkazib berilgan. U suvni 150 darajada qizitishga mo‘ljallangan bo‘lib, markaziy isitish tizimida hamda sanoat va maishiy obektlarni issiq suv bilan ta'minlashda qo‘llanilishi mumkin.