Samsung Electronics kompaniyasi Galaxy S6 va S6 Edge flagman smartfonlarini yangi ranglarda taklif qilmoqda, qurilmalar yaqin orada sotuvga chiqariladi.
Galaxy S6 va Galaxy S6 smartfonlari mart oyining birinchi kunlarida Mobile World Congress 2015 ko‘rgazmasida ilk bor namoyish qilingan edi. Qurilmalar Quad HD (2560 × 1440 nuqta) formatiga ega 5,1 dyuymli Super AMOLED ekraniga ega, bunda Galaxy S6 Edge ning displeyi korpusining yon tomonlariga tushib turadi. Smartfon 64 bitli Exynos 7420 protsessori, 3 Gb tezkor xotira, 5 va 16 Mpli kameralar, Wi-Fi 802.11a/b/g/n/ac va Bluetooth 4.1 simsiz aloqa adapterlari hamda NFC moduli bilan jihozlangan.
Ma'lum qilinishicha, smartfon endilikda avval ishlab chiqarilgan White Pearl, Black Sapphire va Gold Platinum ranglariga qo‘shimcha ravishda Blue Topaz va Green Emerald ranglarida ham ishlab chiqariladi. Bunda Blue Topaz ko‘k rangi faqat Galaxy S6 da, Green Emerald yashil rangi esa Galaxy S6 Edge da qo‘llanadi.
Ikkala qurilmani ham 32, 64 va 128 Gb ichki o‘rnatilgan flesh-xotiraga ega modifikatsiyalarda sotib olish mumkin.