ЭСКАТО томонидан тайёрланган йиллик шарҳнинг тақдимоти ўтказилди

Ўзбекистон 20 Май 2015 957

Иқтисодий тадқиқотлар марказида БМТнинг Осиё ва Тинч океани минтақаси иқтисодий ва ижтимоий комиссияси (ЭСКАТО) томонидан тайёрланган йиллик шарҳнинг тақдимоти ўтказилди.

Тадбирда Ўзбекистон Президенти Ислом Каримов раҳнамолигида мамлакатнинг ҳар томонлама барқарор ривожланаётгани, иқтисодий-ижтимоий соҳаларда эришилаётган ютуқлар халқаро ҳамжамият томонидан муносиб баҳоланаётгани алоҳида таъкидланди. 

Буюк Британиядаги “Legatum” халқаро институти 2014 йилнинг 4 ноябрда Дунё мамлакатларининг фаровонлик индексини эълон қилганди. Сайёра аҳолисининг 96 фоизи ва жаҳон ялпи маҳсулотининг 99 фоизини қамраб олган бу рейтингда Ўзбекистон 142 мамлакат орасида 57-ўринни эгаллади. Жорий йилда БМТ кўмагида АҚШнинг Колумбия университети социологлари томонидан ўтказилган “Дунёнинг энг бахтли мамлакатлари” рейтингида 158 мамлакат орасида Ўзбекистон 44-ўринда, (МДҲ давлатлари ўртасида эса биринчи ўринда) қайд этилди. 

Таъкидланишича, Ўзбекистон Мингйиллик ривожланиш мақсадларига эришиш бўйича ўз олдига қўйган вазифаларни тўла амалга оширмоқда. Хусусан, таълим, соғлиқни сақлаш ва ижтимоий ҳимоя, аҳолининг иқтисодий фаровонлигини таъминлаш, самарали давлат бошқаруви ва атроф-муҳитни муҳофаза қилиш каби соҳаларда қатор қўшма лойиҳалар бажарилди. Бугунги кунда БМТ органлари юртимиздаги идора ва ташкилотлар билан биргаликда ҳамкорлик дастурининг 2016-2020 йилларга мўлжалланган устувор йўналишларини ишлаб чиқмоқда. 

Ўзбекистонда ялпи ички маҳсулотнинг йиллик ўсиш суръатлари кейинги ўн йил давомида 8 фоиздан зиёд бўлиб келмоқда. Ўтган йили мамлакатимиз ялпи ички маҳсулоти 8,1 фоиз ошди. Жорий йилда ҳам шундай юксак суръатларга эришилиши кутилмоқда. Иқтисодиёт, таълим, соғлиқни сақлаш, экология каби соҳаларда амалга оширилган кенг кўламли ислоҳотлар аҳоли фаровонлиги ва турмуш даражасини муттасил оширишга хизмат қилмоқда. 

ЭСКАТОнинг йиллик шарҳида бу жиҳатлар алоҳида қайд этилган. 

Тадбирда Осиё-Тинч океани минтақасидаги иқтисодий ва ижтимоий ҳолатга оид маъруза тингланди.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 20639 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 49608 Жамият
Келажак мевалари: фарғоналик бемор онанинг икки нафар норасида фарзандига ёрдам қўлини чўзайлик
23:59 / 21.08.2017 3140 Жамият
Барселоналик террорчини йўқ қилишда синчков аёл ёрдам берди
23:57 / 21.08.2017 1763 Жаҳон
Шимолий Кореяга қочиб кетган охирги америкалик ҳарбий вафот этди
23:34 / 21.08.2017 3550 Жаҳон
Хитой хорижий инвестицияларга чеклов жорий қилди
23:08 / 21.08.2017 2080 Жаҳон
Дайжест: Самарқандда ҳокимлар алмашинуви, гўшт импорти учун имтиёз, Асакадаги заводда танаффус ва куннинг бошқа хабарлари
22:59 / 21.08.2017 3185 Жаҳон
Қозоғистонда ўзбек автомобиллари ишлаб чиқарилиши кенгайтирилиши мумкин
22:48 / 21.08.2017 3321 Технология
Лотин алифбосидан кимлар қўрқади?
22:45 / 21.08.2017 4834 Жамият
Президент 2017 йилда ғўза дефолиациясини ўз вақтида ва самарали ўтказишга доир қарорни имзолади
22:37 / 21.08.2017 4417 Ўзбекистон
Кўпроқ янгиликлар