Нефть экспортига қўйилган тақиқ АҚШ миллий хавфсизлигига таҳдид солмоқда, шу боис расмий Вашингтон Россия ва Эронга қарши туришга кўмаклашадиган воситадан ўзи билган ҳолда воз кечмоқда деб ҳисоблашга асос бор. The Wall Street Journal газетасида Марказий разведка бошқармасининг собиқ раҳбари Леон Панетта ва АҚШ президентининг миллий хавфсизлик бўйича собиқ маслаҳатчиси Стивен Хэдлининг шу масалага бағишланган мақоласи чоп этилди.

Уларнинг фикрига қараганда, АҚШ бугунги кунда тўқнаш келган бир қатор таҳдидлар миллий қатъиятни ҳамда Европа ва Осиёдаги иттифоқчиларнинг аралашувини талаб қилади. Хусусан, Эроннинг минтақавий етакчига айланиш сари қадамлари, Россиянинг Украинага нисбатан хатти-ҳаракатлари, Яқин Шарқ ва Шимолий Африкадаги воқелар шулар жумласидандир.

Бу қийинчиликларни енгиб ўтиш учун, муаллифларнинг фикрича, энергия ресурсларига бўлган йўлларни очишдир. Нефть экспортига қўйилган чекловлар эса иқтисодиётга салбий таъсир ўтказмоқда. Бу ўз навбатида юқорида тилга олинган таҳдидларга қарши курашишни мураккаблаштирмоқда.

“АҚШ демократиянинг буюк яроғхонаси бўлиб қолмоқда. У энди энергетиканинг буюк яроғхонасига айланиши даркор”, – хулоса қилади собиқ амалдорлар.