Нигериянинг Йола шаҳрида йўл-патрул хизмати ходимлари шаҳар ҳудудига аёл қиёфасида кирмоқчи бўлган "Боко Ҳарам" жангарисини қўлга олишди.

Уни тергов қилиш орқали шаҳарга худди шу усул билан 30 нафарга яқин жангари кириб бўлгани аниқланган.

Айни вақтда шаҳар полицияси аҳоли орасида тергов-қидирув ишларини олиб бориш орқали жангариларни аниқлашга уринмоқда.

Шаҳарнинг муҳим объектларини қўриқлаш ҳамда шаҳарга кириш йўлларини назорат қилиш кучайтирилган.