2002-2013 йиллар орасида 5 ёшгача болалар ўлими ҳолатлари қисқарган. Илгари ҳар 1 000 боладан 24.3тасининг ўлими кузатилган бўлса, эндиликда бу сон 12га тушди. Бу маълумотлар Мингйиллик мақсадларига эришиш бўйича ҳисоботда келтирилган.

“Жаҳон” ахборот агентлигининг маълумот беришича, 5 ёшгача бўлган болалар орасида вазн етишмовчилиги кўрсаткичлари 2001 йилда 3.8 фоизни ташкил этган бўлса, 2013 йилда бу кўрсаткич 1.6 фоизга тенг бўлган.
Шунингдек, Қорақалпоғистон, Хоразм, Фарғона вилоятларида камқонликнинг тарқалиши 66.6 фоиздан 32.9 фоизга тушган.