Сурия пойтахти Дамашқ шаҳрида жойлашган Россия элчихонаси миномёт ҳужумига учради. Бу ҳақда Россия Ташқи ишлар вазирлиги вакили Александр Лукашевичга асосланган ҳолда вазирлик матбуот хизмати хабар қилган.
"Шаҳарнинг ҳукумат назоратидан чиққан Жобар тумани ҳудудидан туриб берилган зарбалардан бири элчихона эшигидан 15 метр нарига келиб тушди. Яна бир мина эса бинонинг ташқи деворидан ўтиб, ичкаридаги хоналардан бирига зарар етказди", дейилади ахборотда.
Бу ҳужум натижасида жароҳатланганлар бўлмаган.
Россия ташқи ишлар вазирлиги бу ҳолатга халқаро жамоатчилик эътиборини қаратишни ва бунга муносабат билдирилишини хоҳламоқда.