Туркия Сурия билан чегаранинг ҳаво патрулини таъминлайдиган қирувчи самолётлар миқдорини кўпайтирди. Бу ҳақдаги хабар мамлакат ҳарбий кучлари бош штаби томонидан тарқатилди.

“10 дона F-16 самолётлари Хатай вилоятидаги Туркия-Сурия чегарасида патруль учун қўйилди. Улардан иккитаси Сурия ракеталарга қарши кураш тизими радиолокаторида 45 секунд давомида нишонга олиниб турилди”, – дейилади хабарнома матнида.

Илгариги хабарларга қараганда, патруль жараёнида 2тадан 6тагача самолётлар иштирок этаётган эди.
Шунингдек, мудофаа вазири Исмат Йилмаз сешанба куни Туркия ҳарбий ҳаво кучлари ҳаво чегарасини бузган Сурия вертолётини уриб туширганини маълум қилди.