Жанубий Қозоғистоннинг Чимкент вилоятида янги масжиднинг қурилиш ишлари якунланди. 3000 кишини сиғдира оладиган ушбу масжид шайх Муҳаммад Содиқ Муҳаммад Юсуф номи билан аталди.

Ушбу маскан шайх Муҳаммад Содиқ Муҳаммад Юсуф номи билан аталган Ўрта Осиёдаги илк масжид ҳисобланади. Эслатиб ўтамиз, бундан аввал олимнинг номидаги масжид дунё бўйича илк бор Жанубий Кореяда очилган эди.

Чимкентдаги  масжид қуриб битказилгач, эҳсон маросими ўтказилган. Масжид Жанубий Қозоғистон муфтияти ва тадбиркор Раҳимжон Йўлдошев ҳомийлигида барпо қилинган. Ўтказилган эҳсонга бутун шаҳардан, мадрасалардан меҳмонлар ташриф буюришди. Масжиднинг қурилиши ва безак ишларида миллий архитектура анъаналарига риоя қилинган бўлиб, бинонинг ички томонига оч фируза ва зумрад рангларда жило берилган.

Маълум қилинишича, масжиднинг расмий очилиш маросими 26 май кунига мўлжалланган.