АҚШ Молия вазирлиги БААнинг иккита компаниясига нисбатан Эронга ишлатилган самолётларни етказиб бергани учун санкциялар киритди, деб хабар бермоқда Reuters ахборот агентлиги.

Al Naser Airlines ва Sky Blue Aviation авиакомпаниялари Эронга нисбатан жорий қилинган амалдаги эмбаргони бузишда гумон қилинмоқда. Бу авиакомпаниялар Эронга етказиб берган самолётлар 1997-2004 йилларда ишлаб чиқилган.

Авиакомпанияларнинг АҚШ банкларидаги ҳисоб рақамлари музлатиб қўйилди, уларнинг АҚШ ҳудудидаги фаолияти тақиқлаб қўйилди.