АҚШнинг Атланта шаҳрида поезд темирйўл изларига тиқилиб қолган автобусни уриб кетди.

Катта тезликда келаётган поездни кўриб автобусдаги йўловчилар саросимага тушиб қолишган. Одамлар шошгандан эшикларни очиш тугмаларини тополмай довдираб қолган ҳайдовчига эшикларни очишини сўраб бақиришган ҳамда эшиклар очилгандан кейин шошганча автобусдан сакраб тушиб, узоқроққа қочишга ҳаракат қилишган.

Видеода поезд катта тезликда келиб автобусга урилгани ҳамда ҳайдовчи хонаси ва салонни пачоқлаб юборгани акс этган. Автобус кескин айланиб, темирйўл изи четига чиқиб кетган. Йўл-транспорт ҳодисаси оқибатида автобусдан чиқишга улгуролмай қолган ҳайдовчи тўқнашувдан кейин автобусдан учиб чиққан, лекин у жиддий шикастланмаган. Яна 5 нафар йўловчини эса шифохонага олиб боришга тўғри келган.