Собиқ Бухоро ёғ экстракти заводи ҳудудида “Дилкушойи берун” аҳоли яшаш даҳаси қурилади. Бу ҳақда “Восточный экспресс” нашри хабар бермоқда.

Айтилишича, лойиҳа “Бухороқурилишлойиҳа” институти мутахассислари томонидан тайёрланган. Унга кўра 13.4 га майдонда 478 хонадонга мўлжалланган 53та уч қаватли уй қурилади. Лойиҳа муаллифларининг таъкидлашича, улар ҳудуднинг иқлимий хусусиятларини ҳамда вилоятнинг бинокорлик анъаналарини ҳисобга олишга ҳаракат қилишган.

Бўлажак даҳада болалар майдончалари, дам олиш масканлари, спорт иншоотлари, дўконлар ва хизмат кўрсатиш объектларидан иборат инфраструктура ҳам қад кўтаради.