"Реал" клуби ҳужумчиси Криштиану Роналду клуб президенти Флорентино Перес билан учрашди.

Учрашув давомида португалиялик футболчи бир неча масалаларни кўтарган. Роналду энг аввало қай даражада ҳаракат қилмасин ва жамоа ғалабаларига ҳисса қўшишга интилмасин, етарлича соврин қўлга киритилмаётганидан норози бўлган.

Шунингдек "Атлетико"га қарши ўйиндаги мағлубиятдан сўнг (0:4) матбуотдаги танқидлар вақтида клуб уни ҳимоя қилмаганидан норози бўлганини билдирган.

Роналду клуб президентидан "ғалабалар режаси"ни тузиб чиқишни талаб қилган.

Маълум қилинишича, "ПСЖ"дан яхши таклиф бўлишига қарамай, португалиялик футболчи "Реал"да қолишни маъқул кўрмоқда.