Россия Либерал-демократик партияси етакчиси Владимир Жириновский Москва метросининг “Олма-ота” бекатини эълон қиладиган бўлди, деб хабар бермоқда Tengrinews.kz.

Владимир Жириновский Олма-отада туғилиб, у ерда 18 ёшигача яшаганлиги учун “Олма-ота” станциясини танлади.

“Мияда ҳар бир бекатда айтиладиган эълонлар, вагонлар эшикларидаги ёзувлар муҳрланиб қолган. Бу барчага маълум нарсалар, бироқ уларни яна бир эслатиб қўйиш зарар қилмайди”, деб айтди Россия Давлат думаси вице-спикери Жириновский ҳамда йўлдаги вақтни фойдали ўтказиш – суҳбатлашиб, одамларнинг кайфиятларини кўтариш кераклигини айтди.

“Мен метрода юрганимда ўзимни яхши ҳис қилардим. Машинада кетаётганингда қаршингдан келаётган автомобиллар, айланиб ўтишлар бўлади, ҳамма нарса кўз ўнгингда жимирлаб кетади”, деб қўшимча қилди Жириновский.

Ҳозирда Москва метросининг турли йўналишларида бекатлар номларини Никита Михалков, Екатерина Андреева, Армен Жигарханян ва бошқа таниқли инсонлар эълон қилиб келишади.

2011 йилда Москва ҳукумати Москва метросининг янги қурилаётган “Братеево” бекати номини Россия ва Қозоғистон ўртасидаги дўстлик ҳамда Олма-ота шаҳри метросида “Москва” метроси пайдо бўлиши ҳисобга олиниб, “Олма-ота” дея ўзгартиришга қарор қилган эди. Бекатга “Олма-ота” деб ном берилиши маҳаллий аҳолининг норозилигига сабаб бўлган, улар ҳаттоки бир нечта норозилик пикетларини ҳам уюштиришган. Ўшанда Жириновский Москва бекатида “Олма-ота” станциясининг очилишини қўллаб-қувватлаган эди. Бекат 2012 йилнинг 24 декабрида очилган.