Ўзбекистонлик хонанда Муниса Ризаеванинг иккита ашуласи чет эллик қўшиқчилар томонидан “ўғирланган”и айтилмоқда.

1news.uz сайтининг маълум қилишича, хонанданинг “Секин-аста” қўшиғи қозоғистонлик Жан Аҳмадиев ва Индиралар томонидан қозоқ тилида “Шектен аспа” номи остида қайта куйланган. Шунга қарамай, титрларда ушбу композициянинг cover-версия эканлиги айтиб ўтилган.

Кавказортида эса Айшат Айсаева исмли хонанда Муниса Ризаеванинг “Убеги” номли русча ашуласини “Убегай” номи остида қайта куйлаган.
Бу ҳолатга муносабат билдирар экан, Ризаева унга тақлид қилаётганларидан фақат хурсанд эканлигини таъкидлади.