Тошкент қишлоқ хўжалиги техникаси заводи Жанубий Кореянинг “ЛС-Мтрон” компанияси билан ҳамкорликда “TTZ-100HC” маркасидаги шудгорловчи янги тракторларни ишлаб чиқаришни йўлга қўйди.

Маълумотларга кўра, бу ҳақда Тошкентда ўтказилган матбуот анжуманида “Ўзқишлокқхўжаликмашлизинг” акциядорлик компанияси вакиллари маълум қилдилар.

Янги трактор ҳақида бошқа маълумотлар берилмаган.

Матбуот анжумани ташкилотчилари берган маълумотларга кўра, айни пайтда “Ўзқишлокқхўжаликмашлизинг” компанияси 360 мингдан кўпроқ фермер хўжаликлари, “Ўздонмаҳсулот” тизими, “Ўзпахтасаноат” уюшмаси, “Қишлоқхўжаликкимё” АЖда фаолият юритаётган машина-трактор парклари, альтернатив машина-трактор парклари ва корхоналарига хизмат кўрсатади. 2001-2014 йилларда компания томонидан уларга 1 трлн 400 млрд сўмлик 57 минг 400 дона техника етказиб берилди. Жорий йилнинг 1-чорагида лизинг асосида 400 млрд сўмлик 990 дона техника берилди.