Қозоғистонда марҳум қўшиқчи, “А-студио” гуруҳининг собиқ яккахон ижрочиси Ботирхон Шукенов номидаги жамоат жамғармаси таъсис этилади, деб хабар бермоқда қўшиқчининг директори Ўлжас Байканов.

“Айни пайтда “Ботирхон Шукенов номидаги жамғарма” рўйхатдан ўтиш жараёнида турибди. Мен ҳозир бу масаланинг барча ҳуқуқий томонлари билан шуғулланмоқдаман. Жамғарманинг бошлиғи Ботирнинг укаси – Боуржон Шукенов бўлади. Умид қиламанки, бизнинг жамғармамиз остида ғоя ва таклифлари бор инсонлар жамланишади”, деб ёзди Байканов ўзининг Facebook тармоғидаги саҳифасида.

Боторхон Шукеновнинг директори ташаббускор гуруҳларга 6 июнда учрашув ўтказишни таклиф қилди.

“Май ойида гуруҳлар билан бирга бўлганимиздан кўра қандайдир ижобий ва тўғри қарорларга эришиш мураккаброқдир. Барча дафн маросимлари ўтгандан кейин, биз учрашув вақти ва жойи ҳақида маълумот берамиз. Учрашувгача барча ташаббусларни, имзолар йиғишни тўхтатиб туришни сўрайман”, деб таъкидлаб ўтди Байканов.

Ботирхон Шукенов Москвада 53 ёшида инфарктдан вафот этди. Мусиқачи билан видолашув маросими 1 май куни Жамбул номидаги Давлат филармонияси биносида бўлиб ўтди. Айнан шу ерда қўшиқчи ўз ижодий фаолиятини бошлаган. Шукеновнинг туғилган куни – 18 майда Қозоғистоннинг бир қатор шаҳарларда уни хотирлаш кечалари бўлиб ўтди.