Москва ва бутун Россия патриархи Ульяновскда бўлиб ўтган “Православ ташаббуси” грант конкурси лойиҳалари раҳбарлари билан учрашувда Евровидение мусиқий танловини танқид қилди.

“Аллалар, диний ва ватанпарварлик руҳидаги қўшиқларни қўллаб-қувватлаш керак. Бизга ўз танловларимиз керак, биз ўз маданиятимизни тарғиб қилишимиз ва уни бутун дунёга кўрсатишимиз керак”, – унинг сўзларини келтиради РИА Новости.

Шунингдек, у, агарда танловда бу йил россиялик хонанда Полина Гагарина ғалаба қозонса, кейинги йили Евровидение “ўз соқолли аёллари билан” Россияга келишини, бу эса “рус маданиятига ва руҳиятига ёт” эканлигини таъкидлаб ўтди.
Сешанба куни Венада танловнинг биринчи ярим финали бўлиб ўтди. Финал 23 май куни бўлиб ўтади.