АҚШнинг Техас штатида ҳуқуқ-тартибот идоралари ходимлари байкер гуруҳлари ўртасида содир бўлган отишма еридан 300дан ортиқроқ қурол топди. The New York Times газетасининг ёзишича, воқеа Уэйко шаҳрида бўлиб ўтган.

Ўзаро душманлик кайфиятидаги байкерлар гуруҳлари ўртасидаги отишма натижасида 9 киши ҳалок бўлган, 18 киши яраланган. Отишма шаҳар марказидаги Twin Peaks бари олдида содир бўлган. Отишмада иштирок этган 170 кишига нисбатан турли айбловлар илгари сурилган.

Айтилишича, охирги ўн йилликларда байкерлар ўртасида бу қадар йирик тўқнашув бўлмаган.
Полиция сержанти Патрик Свэнтоннинг гувоҳлик беришича, бар яқинидан 300 қурол топилган. Улар ичида пичоқлар, кастетлар, таёқлар, занжирлар, 118 тўппонча ва бир дона АК-74 автомати бор.