Хитой ҳукумати яқин икки йил ичида мамлакатдаги интернет сифатини яхшилаш учун 182 млрд доллардан кўпроқ маблағ сарфлашни режалаштирмоқда. Бу ҳақда Reuters ахборот агентлиги хабар бермоқда.

Хитой давлат муассасалари маълумотларига кўра, мамлакат аҳолисининг интернетга чиқишини таъминлаш учун жорий йилда 69,3 млрд доллар ажратилади. 2016 йилда шу мақсадда 112,8 млрд ажратилади.

Ажратилган маблағлар оптик-толали кенг полосали алоқа ва юқори тезликдаги 4-чи авлод мобиль тармоқларининг ривожланишини тезлаштиришга йўналтирилиши режалаштирилмоқда.