“Милан” футбол клубининг собиқ ўйинчиси Женнаро Гаттузо мураббийлик бўйича малака ошириш учун Россияга келди.

Sky Sport Italia нашри журналисти Джанлуки Ди Марцио берган маълумотга кўра, 37 ёшли Гаттузо "Анжи" ёки "Локомотив" клубларига мураббийлик қилиши мумкин.

2011 йилда “Анжи” эгаси Сулейман Керимов ўша кезда “Милан”да ўйнаган Гаттузони клуб сафига қўшиб олмоқчи бўлган, бироқ италиялик футболчи бутун оиласини Россияга олиб келишни истамаган. Энди Гаттузо “Анжи”га мураббий сифатида қўшилиши мумкин.

Италиялик мутахассис ўзининг мураббийлик фаолиятида “Сьоне”, “Палермо” ва “ОФИ” клубларида ишлаган.

22 майда Гаттузо ЦСКА клубининг машғулотига ташриф буюриб, армиячиларнинг бош мураббийи Леонид Слуцкий билан суҳбатлашди ва жамоанинг машғулотини кузатди.