Ангрен шаҳрига қарашли Красногорск шаҳарчаси паспорт бўлими бошлиғи Ҳакимжон Ҳайдаров фуқаролардан пора тама қилишда айбланиб қўлга олинди.

“Ҳуқуқ” нашрида ёзилишича, Темур Волков исмли фуқаро фуқаролик паспортини алмаштириш учун паспорт бўлимига келган. Унга биометрик паспорт жуда зарур бўлгани учун бўлимнинг мутасадди ходимларига мурожаат қилган. Шунда Ҳайдаров паспорт тайёр бўлишига кўп вақт кетишини, аммо “хизмат ҳақи” эвазига жараённи тезлаштириш мумкинлигига шама қилган.

Ҳайдаров қоғозга 100 АҚШ доллари деб ёзиб, Волковга кўрсатган. Унинг ҳузуридан чиққан фуқаро керакли жойга ариза билан мурожаат қилган.
Мурожаат асосида ўтказилган тадбирда Ҳайдаров хизмат хонасида 100 долларни пора тариқасида олаётган вақтда қўлга олинган.
Жиноят ишлари бўйича Ангрен шаҳар суди собиқ паспорт бўлими бошлиғига тегишли жазо тайинлади.