Италиянинг собиқ бош вазири Сильвио Берлускони 20 май куни Инстаграмда рўйхатдан ўтди.

Айни вақтда унинг расмий аккаунти @SilvioBerlusconi2015 ҳисобланадиган аккаунтида 16 минг обуначи йиғилган.

Уч кун давомида ушбу сиёсатчининг аккаунтига 69та сурат жойлаштирилган. Бу суратларда Берлусконининг шахсий ҳаёти ҳамда иш фаолияти ҳолатлари акс этган.

78 ёшли Берлускони ўз обуначиларига суратлар орқали Рим шаҳридаги Palazzo Grazioli номли вилласини, 29 ёшли севгилиси Франческа Паскалени ҳамда пудель зотига мансуб севимли кучугини намойиш этган.

Маълумот учун Сильвио Берлускони 1994-1995, 2001-2005, 2005-2006 ва 2006-2011 йиллар давомида Италия ҳукуматида вазирлар кенгаши раҳбари сифатида фаолият кўрсатган. У йирик медиамагнат ҳамда Италиянинг энг бадавлат кишиларидан ҳисобланади. Берлускони Fininvest компанияси акцияларининг назорат пакетига эгалик қилади.