Европа реконструкция ва ривожланиш банки (ЕРРБ) Қозоғистонга 2015 йилнинг охирига қадар инфратузилмавий лойиҳаларни амалга ошириш учун 1 млрд долларлик кредит ажратади. Бу ҳақда ЕРРБ нинг Россия, Марказий Осиё ва Мўғилистон бўйича инфратузилмаси директори Екатерина Мирошник хабар бермоқда.

“Бизлар хусусий юк ташувчи-операторлар, логистик компаниялар билан ишлаймиз, аэропорт инфратузилмасидаги лойиҳаларни кўриб чиқамиз. Бизда умумий транзит коридори доирасига сиғувчи аниқ лойиҳалар қизиқиш уйғотади”, деб айтди Мирошник.

Мирошник ЕРРБ Каспий транзит коридорини ривожлантириш ва унга сармоя киритишга қизиқиш билдиришини маълум қилди.

Мирошникнинг таъкидлашича, Қозоғистонда айни пайтда инвестицион муҳит кўпроқ жозибадор кўриниш олган, халқаро ҳакамлик киритилган, танга хорижий валютага боғлаб қўйилган.

Аввалроқ Греция ЕРРБдан 2,5 млрд евро олиши маълум қилинганди