Korean Air раҳбарининг қизи суд томонидан озод қилинди

Жаҳон 22 Май 2015 1622

Korean Air компанияси президентининг собиқ ўринбосари, президентнинг қизи Чо Хен А қамоқдан озод қилинди. “Русская газета”нинг хабар беришича, аёл борт кузатувчиларини ҳақорат қилиб, парвозга тайёрланаётган лайнерни ортга қайтаргани туфайли бир йилга озодликдан маҳрум қилинган эди.
Сеул Олий суди илгариги ҳукмини бироз юмшатишга қарор қилди. Эндиликда Чо хоним 10 ойлик шартли жазога ҳукм қилинди. Айни пайтда у ҳибснинг 143 кунини панжара ортида ўтказиб улгурган эди. Айбловнинг асосий пункти лайнер курсини ўзгартириш билан боғлиқ эди – Кореяда бунинг учун 1 йилдан 10 йилгача қамоқ жазоси кўзда тутилган. Суд Чо хонимни бу пункт бўйича айбсиз деб топди.

Бундан ташқари, икки эгизакнинг онаси бўлмиш аёл беш ой қамоқда ўтиргани ва бу муддат ичида ўз қилмишидан афсуслангани эътиборга олинди.

Воқеа 2014 йилнинг 5 декабрь куни содир бўлган эди. Компания раҳбарининг қизи Нью-Йорк-Инчхон лайнерида кетаётган эди. Стюардесса унинг олдига шўр ёнғоқ солинган пакетни қўйгани Чо хонимга ёқмади – унинг фикрича, ёнғоқлар ликопчада олиб келиниши керак эди. Шу боис у стюардессани ҳақорат қилиб, унга қўл кўтарган ва лайнерни терминалга қайтишга мажбур қилган.
Стюардесса собиқ раҳбари устидан арз қилгани боис у судга тортилган ва 1 йиллик қамоқ жазосига ҳукм қилинган эди.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 51241 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 16133 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 98413 Ўзбекистон
Хитойда биринчи интернет-суд очилди
10:03 1 Жаҳон
БМТ: Испания қочқинлар билан ишлаш учун етарли манбага эга эмас
10:00 15 Жаҳон
Европа лигаси. «Милан» македонларга 6та гол урди, «Марсель» Слования клубини енга олмади ва бошқа натижалар
09:58 53 Спорт
Яна бир давлат Венесуэлага қарши санкциялар киритади
09:53 385 Жаҳон
Барселонадаги теракт ижрочиси деб гумон қилинган шахс полицияга келиб, айбсизлигини айтди
09:50 639 Жаҳон
Каталония ҳукумати уч кунлик мотам эълон қилди
09:42 902 Жаҳон
Атлантика океани жанубида кучли зилзила юз берди
09:40 272 Жаҳон
Кўпроқ янгиликлар