Литва президенти Даля Грибаускайте Болтиқбўйининг “темир хоними”га айланди, деб ёзади Politico газетаси. Мақолада таъкидланишича, Грибаускайтенинг қаттиққўллиги, унинг ёпиқ ҳаёт тарзи, икир-чикирларигача ишлаб чиқилган жамоатчилик олдидаги феъл-атвори ва Совет даврини муҳокама қилишдан бош тортиши журналистлар, таҳлилчилар, тарихчилар ва Россиянинг “асабига тегмоқда”.

Таъкидланишича, охирги йил давомида Грибаускайте Россияни ҳаммадан кўра кўпроқ танқид остига олган. Президентнинг бу хатти-ҳаракатлари уни Россия учун “нишон”га, Украина ва Литва учун эса қаҳрамонга айлантирди.

Литва бош вазири Андрюс Кубилюснинг сўзларига қараганда, Грибаускайте хоним Ғарбнинг “тинчликпарвар тили” ва Украинага қурол-яроғ жўнатмаслигини қатъиятнинг камлиги деб баҳолайди. Шу боис у чет элда “темир магнолия” деб аталади.