Олма-ота шаҳри автобусларида бепул Wi-Fi хизмати жорий қилинди, деб хабар бермоқда лойиҳанинг ишга туширилишида иштирок этган Tengrinews.kz мухбири.

Журналистлар Wi-Fi ўрнатилган 16-рақамли автобусда сайр қилдирилди. Модем ҳайдовчи ёнида ўрнатилган. Автобус салонида бепул интернетнинг икки нуқтаси мавжуд. Интернет билан ишлаш вақти чекланган – ҳар 15 дақиқада қайта уланиш талаб этилади.

Ҳозирда Олма-ота кўчаларида бепул интернетга эга 60та автобус ҳаракатланмоқда.

“Биз автобусларда бепул интернетни тақдим қилиш имконияти ҳақида кўпдан бери ўйланаётгандик. Бу йўлда вақтни фойдали ва самарали ўтказиш учун ажойиб имконият ҳисобланади. Шунинг учун биз бу ташаббус жамоат транспортида хизмат кўрсатишни яхшилайди, деб ишонамиз ва бундан хурсандмиз”, деб айтди автобус парки директори Бауржон Тулбасов.

Олма-ота Қозоғистонда автобусларида Wi-Fi бўлган 8-чи шаҳарга айланди. Лойиҳа ташаббусчиларининг маълумотларига кўра, мамлакатнинг бир нечта шаҳарларида 200дан ортиқ автобус йўловчиларга бепул интернетдан фойдаланиш имкониятини ҳадя қилмоқда. Ушбу лойиҳа илк бор 2013 йилда Петропавловскда, кейинчалик Кўкчатау, Туркистон, Уральск, Қарағанда, Қустаной и Қизилўрдада ишган туширилган эди. Бу ташаббус ушбу шаҳарлар аҳолисига маъқул келган. Ҳозирда бошқа шаҳарларда ҳам ушбу хизматни жорий қилиш ишлари фаол тарзда олиб борилмоқда.

Аввалроқ бепул Wi-Fi хизмати Олма-отанинг 4та троллейбусида жорий қилингани маълум қилинганди. Бундан ташқари, ҳукумат Остона шаҳрида ҳам 1 июлдан автобусларда бепул интернетни тақдим қилишга ваъда берган.