Бугун, 22 майда Саудия Арабистонининг шарқида жойлашган Аш-Шарқия вилоятидаги Имом Али номидаги шиалар масжидида жума намози пайтида кучли портлаш содир бўлди.

Охирги маълумотларига кўра, бомба портлаши оқибатида камида 20 киши ҳалок бўлган, 50 га яқин киши жароҳат олган. Улардан баъзилари оғир аҳволда қолмоқда.
Намоз пайтида масжидда 150 га яқин одам бўлган.
Дастлабки маълумотларга кўра, ушбу терактни террорчи-худкуш амалга оширган.

Аш-Шарқия вилоятида асосан шиа мазхабидаги мусулмонлар истиқомат қилади. Мамлакатнинг қолган қисмидаги аҳоли асосан салафий мазхабига эътиқод қилади.