22 май куни Корея халқаро ҳамкорлик агентлигининг (KOICA) Сеонгнамдаги Глобал қишлоғида Буюк Ипак йўлига бағишланган махсус кўргазма бўлиб ўтади. Бу ҳақда «Газета.uz» нашри хабар тарқатган.

Агентликнинг Тошкентдаги ваколатхонасининг маълум қилишича, у кейинги йилнинг февралига қадар фаолият юритади.


Кўргазманинг очилиш маросимида KOICA президенти Янг-Мок Ким, Жанубий Корея расмийлари ва бошқа давлат вакиллари иштирок этади. Улар қаторида Ўзбекистон ташқи иқтисодий алоқалар, инвестициялар ва савдо вазири Элёр Ғаниев бор.


Кўргазмада Ўзбекистон, Қозоғистон, Туркманистон, Қирғизистон, Тожикистон, Озарбайжон вакиллари қатнашади.


Шу куннинг ўзида KOICA ривожланиш соҳасидаги ҳамкорлик музейини очишни режалаштирмоқда. Музей экспозицияси ушбу кичкина давлат қисқа муддатда иқтисодий ва маданий тараққиётга эришгани ҳақида ҳикоя қилади.