“Турк йўли” газ қувури 2017 йилдан сўнг ишга туширилиши кутилмоқда. Бу ҳақда Туркиянинг Москвадаги элчиси Умит Ярдимга асосланиб, "Интерфакс" хабар қилган.

Элчининг сўзларига кўра, Туркия ва Россия ҳозирча лойиҳани бошлаш арафасида турибди. Шунинг учун ушбу лойиҳа 2016 ёки 2017 йилдан қайси бирида ишга тушишини аниқ айтиб бўлмайди.

“Агар биз ушбу лойиҳани амалга оширсак, бу Россия ва Туркия учун катта муваффақият бўлар эди”, - дейди Туркия элчиси.

Ҳозирги вақтда икки давлат томонидан ҳам лойиҳани амалга ошириш бўйича масъулият юкловчи бирор ҳужжат имзоланмаган.

Аввалроқ “Газпром” раҳбари Алексей Миллер “Турк йўли” газ қувурини  2016 йил декабридан амалга ошириш бошланишини маълум қилган эди.