Германияда 65 ёшли ўқитувчи аёл бирданига 4 нафар эгизак фарзанд дунёга келтирди. Бу ҳақда Ассошейтед Пресс хабар берди.
Шифокорлар махсус жарроҳлик амалиёти орқали туғиш жараёнига ёрдам беришган. Туғилган чақалоқларнинг 3 нафари ўғил ва бири қизалоқ экани маълум бўлган. Чақалоқларнинг вазни 655 граммдан 960 граммгача чиққан.
Фрау Аннегрет Раунигк ўз фарзандларига Нита, Дрис, Бенс ва Фьонн исмларини қўйган.
Болалар ҳомиладорликнинг 26-ҳафтасида туғилишган ва уларнинг яшаб қолиши имкониятлари яхши баҳоланмоқда. Онанинг аҳволи ҳам барқарорлиги айтилган.
Аннегрет Раунигк бунгача ҳам 13 фарзандни дунёга келтирган бўлиб, ҳозирда уларнинг энг кичиги 9 ёшда, энг каттаси эса 44 ёшда. Шифокорлар унга бошқа ҳомиладор бўлмасликни маслаҳат қилишган бўлсада, у ўзининг кичик ўғлига ука ва сингил туғиб беришни истаган.