Болгарияда футбол бўйича ўсмирлар (U-17) ўртасидаги Европа чемпионати ўз якунига етди. Ҳал қилувчи финал учрашувида Франция ўсмирлар терма жамоаси германиялик тенгқурларини 4:1 ҳисобида мағлуб этишди. Эдуарнинг хет-триги Франция ўсмирларининг шоҳсупага кўтарилишини таъминлади.

Ўйинда Германия терма жамоасининг ягона жавоб тўпини Каракас киритди. Эътиборга молик жиҳати шундаки, машҳур Зинедин Зиданнинг ўғли Лука Зидан Франция ўсмирлар терма жамоасининг асосий дарвозабони бўлиб, Бельгияга қарши кечган ярим финал учрашувида ўйиндан кейинги пенальтилар сериясида 3та зарбани қайтариб, қаҳрамонга айланган эди.