22 май куни кечаси Москвада кучли жала, баъзи жойларда дўл билан аралаш ёғиб ўтди. Оқибатда шаҳарнинг турли туманларидаги бир неча кўчалар сув билан тошиб кетди.

2015 йилнинг май ойида Москва учун рекорд даражадаги ёғингарчилик кузатилмоқда. Ёғингарчилик миқдори меъёрдагидан 317 фоиз кўпроқни ташкил қилди.

Энг жиддий сув тошқинларидан бири “Калужская” метроси ёнидаги Профсоюзная кўчасида юзага келди. Маълумотларга кўра, сув баландлиги бир неча ўнлаб сантиметрга етган, бироқ метрога киравериш ва йўловчилар ўтиш жойлари ҳеч қандай талофат кўрмаган.