Мексиканинг Мичоакан штати ҳудудидаги трассада полиция ва жиноий гуруҳ ўртасида қуролли тўқнашув юз берди ва ўнлаб киши ҳалок бўлди. Бу ҳақда La Jornada хабар бермоқда.

Нашрда маълум қилинишича, воқеа жойида 30 нафар жиноятчининг жасади аниқланган. Ўз навбатида бу отишма вақтида 3 нафар полициячи ҳалок бўлган. Қурбонлар сони янада ошиши мумкинлиги айтилмоқда.
Айни вақтда бу ҳудудга пойтахтдан хавфсизлик масалалари бўйича нуфузли амалдорлар тафсилотларни ўрганиш учун йўл олган.
Бироз олдинроқ, наркомафия билан кучайган низолар туфайли Халиско штатидаги йўлларда полициячилар туну кун қўриқчилик қилаётгани маълум қилинганди.