Москва вилоятида яшовчи ота-она ўз фарзандларига эътиборсизлик қилгани туфайли ундан айрилиб қолишларига бир баҳя қолди. Фрязино шаҳридаги кўп қаватли уйларнинг бирида хонада бир ўзи ташлаб кетилган 2 ёшли болакай дераза токчасига чиқиб, чивинларга қарши тўрга қўллари билан тирмашганда тўр билан бирга 11-қаватдаги уйнинг ойнасидан пастга тушиб кетди.

У пастдаги ўтлоқ устига тушган ва омон қолган, бироқ унда бош-мия чаноғи, бош мия лат ейиши, қорин ва кўкрак қафасида кўплаб жароҳатлар қайд этилган. Бундан ташқари, болакайнинг қўл-оёқлари синган. Ҳозирда болакай жонлантириш бўлимида оғир аҳволда қолмоқда, шифокорлар унинг ҳаётини сақлаб қолиш учун қўлларидан келганча ҳаракат қилишмоқда.

Москва вилояти Ички ишлар бошқармаси ушбу ҳолат юзасидан тергов ишларини олиб бормоқда.