Туркия қуролли кучлари Сурия билан чегарага зирҳли техникасини жойлаштирмоқда. Бу ҳақда Доган агентлиги хабар берган.

Хабарда айтилишича, 15 транспорт воситаси чегарадан 30 км масофадаги Мардин шаҳри бўйлаб жойлаштирилган.

Ҳарбий юк машиналари танклар ва гаубицаларни манзил томон етказишмоқда. Шунингдек ҳарбий юкларни қуролли гуруҳ қўриқлаб бормоқда.

Чегарада вазият кескинлигича қолаётган бўлиб, Туркияга қочоқлар келишда давом этмоқда. Бундан ташқари Туркия ҳудудидан ноқонуний йўллар орқали сигарет, ёқилғи ва бошқа товарларни олиб ўтишга уриниш ҳоллари учрамоқда. Охирги ойларда ҳарбийлар бир неча юзлаб контрабандачиларни қўлга олган.