Англия банки Буюк Британиянинг ЕИдан чиқиши эҳтимоли оқибатларини махфий равишда тадқиқ этмоқда

Жаҳон 24 Май 2015 1645

Англия банки Буюк Британиянинг Европа Иттифоқидан чиқиши эҳтимоли оқибатларини махфий равишда тадқиқ этмоқда. 

Маълум бўлишича, Англия банки матбуот хизмати тадқиқот режаларига доир Project Bookend деб номланган хатни хатолик сабаб The Guardian газетаси мухбирига йўллаб қўйган.

Нашр шу заҳоти ушбу хатга асосланиб мақола чоп этган. Унда қайд этилишича, Англия банкининг аксарият ходимлари ушбу тадқиқот ҳақида билмасликлари лозим эди.

Бундан ташқари Банк тадқиқотдан бохабар ходимларга матбуот ва бошқа қизиқувчиларга шунчаки Европа бозори тадқиқоти билан шуғулланилаётганига ҳақида айтиш ва тафсилотларга берилмасликни тавсия қилган.

«Матбуот хизматининг хатоси, катта эҳтимол билан, Англия банки раҳбари Марк Карнига қимматга тушиши мумкин. Аввалроқ у Банк ўз қарорларини қабул қилишда янада очиқ ва шаффоф бўлишга ваъда берганди», – дейилади The Guardian хабарида.

Буюк Британиянинг Европа Иттифоқидан ажралиб чиқиши эҳтимоли ҳақидаги муҳокамалар 2015 йил майида, парламент сайловида консерваторлар ғалаба қозонганидан сўнг янги тўлқин билан жонланди.

Буюк Британия бош вазири Дэвид Кэмерон ушбу масалани умумхалқ муҳокамасига қўйиш ниятида эканлигини бир неча бор таъкидлаган – бу унинг сайловолди асосий ваъдаларидан бири эди.

Мазкур масала юзасидан Буюк Британиядаги референдум 2017 йилда ўтказилиши кутилмоқда. Қайд этиш жоиз, шу вақтгача Европа Иттифоқига аъзо ҳеч бир мамлакат ундан ажралиб чиқмаган.


Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 14413 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 68199 Жамият
Кун.uz офис изламоқда
15:48 / 06.08.2017 37096 Lifestyle
"Реал" Испания Суперкубоги соҳиби!
04:08 614 Спорт
Қирғизистонлик собиқ депутат Омурбек Текебаевга 8 йиллик қамоқ жазоси берилди
01:27 1015 Жаҳон
Саакашвили Украинага қачон қайтишини маълум қилди 
01:15 1590 Жаҳон
Абдулла Арипов: «Ўзбекистон ва Қирғизистон ҳамкорлигига халақит берувчи тўсиқлар бартараф этилади»
Роналду 5 ўйинга дисквалификация қилингани ҳақида: бунинг отини атайлаб қийнаш дейилади!
01:07 1608 Спорт
Давлат ва ОАВ: ахборот майдонида ҳаммага тенг шароит яратилиши керак
Шерзод Шерматов: "Келгуси йилда тест жавоблари ўша куниёқ эълон қилиниши мумкин"
Кўпроқ янгиликлар