Fox News телеканали эфирида сенатор Жон Маккейн Оқ уй матбуот котиби Жош Эрнестнинг АҚШ ҳукумати ва "ИШИД" террорчилик гуруҳининг ҳаракатлари ҳақидаги фикрига изоҳ бериб ўтди.

Эрнест "ИШИД"га қарши операция муваффақиятсизлик билан тугаган ҳар сафар АҚШ “сочини юлиши шартмаслигини” айтган эди. Унинг бу сўзлари Маккейннинг кескин танқидига учради.

“Бу аҳмоқ жаноб Эрнест балки “сочини юлмас”, бироқ Рамади кўчаларида ҳозирнинг ўзида жасадлар ёнмоқда”, деб айтди сенатор.

Бироқ кейинроқ Жон Маккейн Эрнестга айтган сўзларини ортга қайтиб олишга тайёрлигини маълум қилган.