Ўзбекистонлик Одил Ахмедов тўп сураётган “Краснодар” жамоаси Россия чемпионатининг 29-турида “Ростов” устидан ғалаба қозонди.

24 май куни Краснодарда бўлиб ўтган учрашув 2:1 ҳисобида якунланди. Голларни “буқалар” таркибида Роман Широков (9-дақ.) ва Франсишку Вандерсон (33-дақ.), ростовликлар таркибида Виталий Дьяков (75-дақ.) киритдилар.

Учрашувда Одил Ахмедов ҳам фаол ҳаракат қилиб, яхши имкониятларга эга бўлди.

“Краснодар” 59 очко жамғариб, мусобақа жадвалида 2-ўринга кўтарилиб олди, “Ростов” эса 28 очко билан 13-ўринда қолди. Чемпионатнинг якунловчи турида “Краснодар” меҳмонда Москванинг “Динамо” жамоаси билан беллашади, “Ростов” эса ўз майдонида ЦСКА жамоасини қабул қилади.