Россиялик қўшиқчи Полина Гагарина "Евровидение-2015" мусиқий танловида иккинчи ўринни эгаллади. У тўплаган очколар миқдори 303тани ташкил этган.

Танлов Австрия пойтахти Вена шаҳрида бўлиб ўтди. Танловда Швеция вакили Монс Сельмерлев 365 очко билан биринчи ўринни қўлга киритди. Учинчи ўринни эса 292 очко билан Италия вакили бўлмиш Il Volo поп-триоси эгаллади.

Маълумот учун, ушбу танловда мезбон Австриядан ташқари Европадаги Албания, Арманистон, Руминия, Венгрия, Грузия, Греция, Эстония, Сербия, Бельгия, Россия, Швеция, Литва, Польша, Словения, Норвегия, Черногория, Кипр, Озарбойжон, Латвия, Франция, Германия, Италия, Испания, Буюк Британия давлатлари ҳамда Австралия ва Исроилдан келган 27 хонанда иштирок этди. Энг сўнгги ўринни Германия вакили эгаллади.