“Реал” бош мураббийи Карло Анчелотти кейинги мавсумда “Милан”га мураббийлик қилмаслигини маълум қилди.

“Галлиани (Адриано Галлиани, “Милан” вице-президенти) Мадридга келди, дейсизми? Демак, тушликка меҳмонлар келар эканда, бу ҳар доим ёқимли. Бироқ унинг ташрифи менинг режаларимга ҳеч қандай ўзгартириш киритмайди. Мен ўзимнинг танловимни қилиб бўлдим.

Бироқ мен агар Италияга мураббийлик қилишга кайтсам, фақатгина”Милан”да ишлашимни доим айтардим.

Биламан, клубнинг режалари катта, улар жамоани қайта қуришга катта сармоялар ажратмоқчилар. Бироқ бу осон иш бўлмайди, чунки сафларида улкан ўйинчиларга эга бўлган жамоалар уларни олиб қолишга ҳаракат қиладилар”, деб айтди Анчелотти.

55 ёшли мутахассис “Реал”дан бўшатиладиган бўлса, ўз умуртқасидаги муаммо туфайли жарроҳлик амалиётини ўтказиш учун бир йилга футболдан кетишини айтмоқда.