Украина 2015 йилнинг охирига қадар постсовет паспортларини бутунлай истеъмолдан чиқаради. Бу ҳақда мамлакат ташқи ишлар вазири Павел Климкин ТСН телеканалига берган интервьюсида маълум қилди.
Унинг таъкидлашича, бу Украинанинг Европа Иттифоқи билан алоқаларини мустаҳкамлаш учун қўйиладиган талаблардан биридир.

“Албатта, биз совет ўтмишидан қутулишимиз керак. Бу постсовет паспортларимизни кўрган европаликлар устимиздан кулади, ахир унда бемалол суратларни алмаштириб, бошқа одамга айланиш мумкин. Биз бу жиҳатдан ҳам европача давлатга айланишимиз керак. Биз бу ишни йил охирига қадар амалга оширишимиз керак”, – таъкидлаб ўтди Климкин.