Бугун, 25 майда Буюк Британиянинг Глостершир графлигида анъанавий Куперсхилд пишлоқ пойгаси бўлиб ўтади. Ҳар йили ўтказиладиган ушбу анъанавий пойга 200 йилдан бери май ойининг охирги душанбасида ўтказиб келинмоқда.

200 метрлик Купер қиялигидан маҳаллий Глостер навидаги 4 кг лик пишлоқ думалатиб юборилади. Унинг орқасидан об-ҳавога қандай бўлишига қарамасдан пойга иштирокчилари қувлашни бошлашади. Пишлоқнинг кетидан қувлаш пайтида пойганинг охиригача оёқда туришнинг деярли иложи йўқ. Пишлоқнинг тезлиги баъзида соатига 100 км гача етади.
Ушбу пойгалар соғлиқ учун жиддий хавф солиши мумкин: иштирокчилар пойга давомида қўл-оёқлари, қовурғаларини синдириб олиш ва бошқа жароҳатлар олишлари ҳоллари кўплаб учраган. Баъзида томошабинлар ҳам жароҳат оладилар.

Шунинг учун охирги вақтларда полиция ушбу пойгаларни тақиқлаб қўйишга уринмоқда.

Бу удум қаердан пайдо бўлганини ҳеч ким аниқ билмайди. Удум қишдан кейин янги йилнинг келганининг тимсоли сифатида тоғдан ёнаётган шох-шаббалар боғламини думалатиш анъанасига бориб тақалади, деган фикрлар ҳам бор.