Тошкентнинг Чилонзор туманида маст ҳолда яқин дўстининг машинасини ўғирлаб кетган шахс қўлга олинди. Бу ҳақда “Ҳуқуқ” газетаси хабар бермоқда.
Айтилишича, 1974 йилда туғилган Усмон Сайдалиев муқаддам тўрт маротаба судланган. У 2006 йилда қамоқхонада тошкентлик Ҳабибулла Шодиев билан танишиб қолган. 2015 йилнинг февралида эса иш қидириб пойтахтга келган ва ўша дўсти билан алоқага чиққан.
Ҳабибулла бир муддат Усмонга иш қидиришган, аммо бундан натижа бўлмаган. Усмон ичкиликка муккасидан кета бошлаган, Ҳабибулланинг эса соғлиғи ёмонлашиб, у билан бирга иш қидирмай қўйган, аммо моддий ёрдам бериб турган.

Бир сафар Усмон дўстининг уйига келиб, уни чақирган. Ҳабибулланинг соғлиғи ёмонлиги боис у қўшни болалардан Усмонга машина калитини бериб, ичидан пул олишини айтган. Машина ичида Ҳабибуллани бироз кутган Усмон ёнидаги ярим шиша ароқни ичиб, “айланиб келиш”га қарор қилган. У маст ҳолда машинани ҳайдаб кетиб, бензин тугаганга қадар шаҳар айланган.

Машина бир жойга келиб ўчиб қолган, Усмон ҳам унинг ичида ўтириб ухлаб қолган. Бундан хабар топган Ҳабибулла ички ишлар ходимларига мурожаат қилган. Улар эрталабга қадар машинани топиб, уни эгасига қайтаришган.
Материалда ёзилишича, милициячилар машинани топганида унинг ичида Усмон ухлаб маст ҳолда ухлаётган эди.