Ўзбекистон ҳукумати Бухоро вилоятидаги Қандим нефтни қайта ишлаш заводи ташқи инфраструктурасини яхшилашга 200 млн доллар ажратади. РИА Новости агентлигининг хабар беришича, завод “ЛУКОйл” компанияси томонидан қурилмоқда. Бу ҳақда ҳукумат қарори жамоатчиликка эълон қилинди.

Ҳужжатга кўра, “Ўзбекэнерго” давлат акциядорлик компанияси 2017 йилнинг 1 июлига қадар ташқи электр таъминоти объектларини, шу жумладан электр узатиш тармоқларини модернизация қилиш ва кенгайтириш ишларини ўтказиши керак. “Ўзбекистон темир йўллари” эса ўз навбатида 2015 октябрига қадар Қандим заводига келадиган темир йўл инфраструктурасини яратиши талаб этилади.

2015 йилда “ЛУКОйл” Жанубий Кореянинг Hyundai Engineering компанияси бошчилигидаги пудратчилар консорциуми билан биргаликда Қандим заводини қуриш бўйича шартнома имзолаган эди. Шартнома қиймати 2.66 млрд долларга баҳоланмоқда. Заводнинг биринчи навбати 2018 йилда истеъмолга киритилиши айтилмоқда.