“Ювентус” ярим ҳимоячиси Андреа Пирло ўз фаолиятини АҚШ Олий футбол лигасида давом эттириши мумкин.

36 ёшли италиялик яримҳимоячи Испания терма жамоасининг собиқ ўйинчиси Давид Вилья тўп сураётган “Нью-Йорк Сити” жамоаси билан музокара олиб бормоқда.

Аввалроқ Пирлога Қатарнинг “Ал-Жайша” жамоаси қизиқиш билдираётгани маълум қилинганди. Бироқ футболчининг ўзи кўпроқ АҚШ футбол лигасига ўтишни истамоқда.