Россия Жаҳон қурол бозорида 27 фоизлик улуш билан иккинчи ўринда туради. Биринчи ўринни эса 31 фоизлик кўрсаткич билан АҚШ эгаллаган. Бу ҳақда Россия президенти Владимир Путин маълум қилди.

Унинг айтишича, жаҳон қурол бозорида Россиянинг буюртмалар портфели 50 млрд долларга ўсган.
"Россия жаҳон қурол бозорида иккинчи ўринда мустаҳкам жойлашган. Ҳарбий техникалар ишлаб чиқариш бўйича сезиларли ютуқларга эришдик", дейди Путин Россиянинг хориж мамлакатлари билан ҳарбий-техник қуроллар соҳасидаги ҳамкорлиги бўйича ўтказилган йиғилишда.

Қайд қилинишича, 2014 йил якунларига кўра, Россиянинг ҳарбий маҳсулотларни экспорт қилиш ҳажми 15,5 млрд долларга ошган.