Тошкентнинг Шайхонтоҳур туманидаги кафелардан бирининг ертўласида наша сақланб келган гиёҳванд фош этилди.

“Ҳуқуқ” газетасининг ахборот беришича, фуқаро Тожимурод Исаев мунтазам равишда Анвар Турсунов исмли дилердан гиёҳванд моддалар сотиб олиб, истеъмол қилиб борган. Бу моддаларни уйига олиб бора олмагани боис дўсти, кафе эгаси бўлмиш Шоҳруҳни алдаб, унинг ертўласида фирмадан сотиб олган дори-дармонларни сақлашига ишонтирган.

Кафе қоровулини Мухторнинг гувоҳлик беришича, Тожимурод дориларни текшириш баҳонаси билан тез-тез кафега ташриф буюриб, ертўла ичида наша чеккан.

Ҳуқуқ-тартибот идоралар ходимлари Исаевнинг бу махфий бурчагини фош қилиб, уни моддалар истеъмоли устида қўлга олди. Ўз навбатида, нашафуруш Турсунов ҳам қўлга олиниб, Исаевнинг кўрсатмаси асосида жазога тортилди.